Mongui
«Apene viert el puarton, mi cjati denant un drugul di cosac gruès
tanche un ors cu la visiere de barete sui vôi e un zuf di cjavei
in bande. Al è vistut a câs, cjamese e gjachete discompagnades,
e, disbotonât come ch'alè, al mostre un stomi pelôs
proprit come l'ors. Al puzze di ai e di senape di fâ colâ
daûr cope. I bregons bandâz di ros s'ingolfin tai stivai
pôc pui alz di une quarte.
Al ten une sorte di mitra sul stomi, pront a trai, ma masse grant par
lui e di sigûr j intrighe. Al è un puôr diaulat cjoc
e disperât. Mi cjale di stoz e al fâ di moto a chei atris
di jentrâ. Cjocs e mal gabanâz a' semein une masnade di
carnavâl.
A' jentrin adimplen sberlant: «Partisan! Partisan!»
E si metin a talpinâ tal curtil come cjans ch'a nasin il salvadi.
Jo i fronti chê gjarnazzie cirint di fami capî in rus e
in todesc, cirint di tigniju in zanzis; ma lor come nie. «Da
da» mi disint; «carose segnorita». E
intant 'e rive atre trupe, duc' cjocs ancje chei e un al jentra cul
cjaval in cjase e al cîr di lâ su pes scjales e al talpine
par dut, ancje sul saligo dal tinel.»
Accadde il 16 aprile 1945, in una frazione di Buia.
da:
V. Tondo, In chel avril di zà quarante ains, in: Sot
la nape, XXXVIII, giu. 1986, p. 54.
