Miro De Colle

La Republica di Cjargna

 

 

La republica di Cjargna
a era in genoglon:
chesta volta
j iu fasin murî di fan
par dabon.
No j vevin però
faz i conz
cun cheâta resistenza
ch'as era
las maris
las sûrs
las murosas
e tantas, tantas
âtas feminas
in ogni paîs;
che, batint
ogni troi,
ogni strada
cun lôsas e cun cjars,
su trenos e camios,
dai stes Todescs
girin in lunc e in larc
dut il Friûl,
baratant il propri coredo,
umiliansi
a ceri la caritât,
suplicant
un puign di farina da polenta
che purtrop
da tanc' di lôr
a vigniva neada
sbonbansi
se la Cjargna
era martoriada...
Metudas a provas
spaventosas
chês biadas feminas
dut as acetava
pur di podê
tornâ tal paîs
a sfamâ
chei giovins ch'ai sietava.
Tar una busa,
tar una baita
dulà che encja la nêf
a faseva la spia
mostrant la ferada.